كلمات أغاني ماجدة الرومي

× البوم "وداع" – 1977 ×
.
.
.
خدني حبيبي - ماجدة الرومي

كلمات : هنري زغيب
ألحان : نور الملاح


خذني حبيبي ع الهنا.. انسى اللي كان وابتدي
خليني أخلق يا أنا.. منك وليّ أهتدي
أنا بدي حبك أكثر.. علمني كل يوم أنساك
تا يرجعلي حبك أكبر.. وأتعلم كل يوم أهواك
علمني كل يوم أنساك

خبرني يومية كتير.. مرجحني ع الخبرية
وعيني صوتك بكير.. واغفى صوتك ليلية
حبيبي يا عمر جديد.. زهر فيّ أحلامي
ارجعلك أيام العيد.. وتلون لي أيامي

يا سنيني لا تنسيني.. ولا يندهني السؤال
أنا جاي انطريني.. ع الوعد اللي ما بينقال
ويا حالي... يا حالي لا تخبرني
ارسملي عمر مواعيد
خلي الفرحة تبشرني.. كل يوم ببكرة بعيد
والبكره يطول.. ووعدي يطول
وابقى غني وعيد

خذني حبيبي ع الهنا.. انسى اللي كان وابتدي
خليني أخلق يا أنا، منك وليّ أهتدي


×××××××××××××××××××


مطرحك بقلبي - ماجدة الرومي

كلمات : مارون كرم
ألحان : احسان المنذر


ما حدا بيعبي مطرحك بقلبي
كيف لك قلبي تجافي اللي حبك هالمحبة
ما حدا بيعبي مطرحك بقلبي
خبرني يا حبي

بحبك أنت وجايي.. بحبك أنت ورايح
بحبك يا هنايي بكل المطارح
اتطلع ب عينيي.. اتطلع بعد شوية
عيوني ما بتخبي

القصة مش جديدة.. شغلت بالي وبالك
وبتسأل شو بتريدي.. ليش ما بتسأل حالك؟
بعلمي اللي بحبوا ما بيقدروا يخبوا
شو القصة يا قلبي

انشالله مرة تانية.. بتسأل قلبك عني
بقلك عن حناني.. وأنت بتعرف إنّي
قد الدنيا بحبك.. وأنا بلا حبك
بدو يفضى قلبي

وما حدا بيعبي مطرحك بقلبي
خبرني يا حبي.. خبرني يا حبي


×××××××××××××××××××


كل شي عم يخلص - ماجدة الرومي

كلمات : الياس رحباني
ألحان : الياس رحباني


كل شي عم يخلص.. الحب والأحلام
كل شي عم يخلص.. الضجر والأيام
الطريق عم يصغر.. ونحنا ع الطريق
رح تخلص المسافة والطريق
خذني حبيبي.. عجل خذني.. الدني عم بتغيب
دخيلك خذني ولا تضيعني بالليل الغريب
خذني حبيبي.. عجل خذني من قدام الباب
خبيني بقلبك.. لا تتركني وحدي بالضباب

كل شي عم يخلص.. السهر والأعياد
والسفر عم ينده.. بمطارح بعاد
الخريف عم يخلص.. ونحن بالخريف
والضبابة غطت الرصيف
خذني حبيبي.. عجل خذني..الدني عم بتغيب
دخيلك خذني ولا تضيعني بالليل الغريب
خذني حبيبي.. عجل خذني من قدام الباب
خبيني بقلبك.. لا تتركني وحدي بالضباب

كل شي عم يخلص.. وجوه الأصحاب
كل شي عم يخلص.. ضحكات الأحباب
والعيد رح يخلص.. وأنا بهالعيد
وحدي ياحبيبي.. وأنت بعيد
خذني حبيبي.. عجل خذني..الدني عم بتغيب
دخيلك خذني ولا تضيعني بالليل الغريب
خذني حبيبي.. عجل خذني..من قدام الباب
خبيني بقلبك.. لا تتركني وحدي بالضباب


×××××××××××××××××××


وداع - ماجدة الرومي

كلمات : مارون كرم
ألحان : احسان المنذر


امبارح.. وأنا وعم ودعك
تقسى علي واسمعك
حسيت لما مشيت.. وبخاطرك وقفيت
عيوني أخذتن معك

يا حبيبي ع الغياب.. غاب من عمري الشباب
وبسمة الكانت من زمان.. بعيونا إلها مكان
وغبرت.. وصار الحنان يركض ركض تيرجعك
عيوني أخذتن معك

وبعدن ايدينا من سنين.. بشجرة الكينا معلمين
وتحت الشجر هاك الحجار.. اللي جلساتنا عليها كتار
صبّح ما فيها الغبار.. قلبك عليها بيوجعك

والشمس ع بحر الدهب.. بيّن ع وجها التعب
وشط المحبة هالسنة ما شمه عطر السوسنة
والحب والعيش الهني.. رحت وأخذتن معك


×××××××××××××××××××


عم يسألوني عليك الناس - ماجدة الرومي

كلمات : مارون كرم
ألحان : نور الملاح

عم يسألوني عليك الناس اللي كانوا يشوفونا سوى
شو بقول خبرني لكل الناس؟ طيّر أمانينا الهوى؟
وما عاد نتلاقى سوى.. هيك بيريد الهوى
وعم يسألوني عليك كل الناس.. وينك يا حبيبي
وينك يا حبيبي؟

يا حبيبي.. يا فرح عمري
غلة الماضي وبسمة الحاضر
الحب لا بأمرك ولا بأمري
ع الحب منا ما حدا قادر
مين اللي مرمر عمرك وعمري
لا أنا ولا أنت.. هودي الناس
وعم يسألوني عليك كل الناس: وينك يا حبيبي
وينك يا حبيبي؟

يصعب عليّ خبّر الأصحاب
ع اللي جرى ما بيني وبينك
نحنا اللي كنا فرحة الأحباب
وينك اليوم يا فرحتي.. وويني
شربنا أنا وياك أي كاس؟
شو بقول خبرني لكل الناس؟

عم يسألوني عليك الناس اللي كانوا يشوفونا سوى
شو بقول خبرني لكل الناس؟ طيّر أمانينا الهوى؟
وما عاد نتلاقى سوى.. هيك بيريد الهوى
وعم يسألوني عليك كل الناس.. وينك يا حبيبي


وينك يا حبيبي؟

آه.. منك ما أطمعك


×××××××××××××××××××


نبع المحبة - ماجدة الرومي

كلمات : مارون كرم
ألحان : احسان المنذر


يا نبع المحبة وحدك ساكن قلبي
لا تتخلى عنا.. عينك ع وطنا.. بالأيام الصعبة

ميلادك ميلاد الخير.. يا نور الحقيقة
ما بشرت بغير الخير.. وخلاص الخليقة
وبشرت بالسلام.. وعاداك السلام
وقلتلن يا ربي.. دخلك سامح شعبي
يا نبع المحبة وحدك ساكن قلبي

بلادي.. يا فادي الكون.. تقلو كتير حمالها
بإيدين بتكره اللون.. شوهوا جمالها
وينك يا يسوع.. وطنا موجوع
وطنا يا ربي.. نسيته المحبة
يا نبع المحبة وحدك ساكن قلبي

بين الخير وبين الخي، بيعدوا المشوار
بلد الشمس وبلد المي.. أكلتو النار
الحلا والخضار كلن صاروا غبار
حبسونا بعلبة.. خلصنا يا ربي
يا نبع المحبة وحدك ساكن قلبي


×××××××××××××××××××


أنشودة الأمهات - ماجدة الرومي

كلمات : جبرائيل فياض
ألحان : حليم الرومي


العيد عيد العالم.. يا أمهات
عيد الشباب الدائم في الكائنات
عيد الوفاء والتضحيات.. يا أمهات

صوادح الأطيار نشوى.. في الربى تغرد
تستقبل البشرى.. وألحان الهنا تردد
أنتن في الرجاء.. مباسم الورود
في زهوة العطاء.. سحائب تجود
ونعمة السماء طلائع الخلود
في غمرة الحياة منائر النجاة.. يا أمهات

في عيدكن الأرض تزهو بالعطاء الزاخر
ويومكن يوم ميلاد الربيع الزاهر
تهفو قلوبنا.. تضج بالمنن
ومن أرضنا.. هدية الوطن
خلود أرزنا على ذرى القنن
نرفعها رايات.. بالمجد خافقات.. للأمهات


×××××××××××××××××××
× البوم "كلمات" – 1991 ×
.
.
.
كلمات - ماجدة الرومي

كلمات : نزار قباني
ألحان : احسان المنذر


يسمعني حين يراقصني كلمات ليست كالكلمات
يأخذني من تحت ذراعي.. يزرعني في إحدى الغيمات
والمطر الأسود في عيني يتساقط زخات زخات
يحملني معه.. يحملني لمساء وردي الشرفات
وأنا كالطفلة في يده.. كالريشة تحملها النسمات
يهديني شمساً.. يهديني صيفاً... وقطيع سنونوات
ويخبرني أني تحفته.. وأساوي آلاف النجمات
وبأني كنز.. وبأني أجمل ما شاهد من لوحات
كلمات.. كلمات
يروي أشياء تدوخني.. تنسيني المرقص والخطوات
كلمات تقلب تاريخي.. تجعلني امرأةً في لحظات
يبني لي قصراً من وهمٍ لا أسكن فيه سوى لحظات
وأعود إلى طاولتي لا شيء معي.. إلا كلمات
كلمات ليست كالكلمات
لا شيء معي إلا كلمات
كلمات


×××××××××××××××××××


اسمع قلبي - ماجدة الرومي

كلمات : -
ألحان : حليم الرومي


اسمع قلبي وشوف دقاته
تعرف حبي من نغماته
ليه تسألني وتحيرني
اسمع قلبي وشوف دقاته
تعرف حبي.. اسمع
اسمع قلبي

في كلمة عايزني أقولها لك أنا عرفاها
مهما تحاول ريح بالك.. مش قايلاها
اسأل قلبي عن أسراره
مش بيخبي ولا بيداري
ليه تسألني وتحيرني
اسمع قلبي وشوف دقاته
تعرف حبي.. اسمع
اسمع قلبي

مش ممكن أقلك بلساني إني بحبك
دقة قلبي فيها معاني هي تجاوبك
أسرار القلب وألحانه هي كلام.. هي لساني
ليه تسألني وتحيرني
اسمع قلبي وشوف دقاته
تعرف حبي.. سمع
اسمع قلبي

الكلمة اللي بتستناها أهي بعيني
مكتوبة وتقدر تقراها.. شوف ايه هي
اسألها تقلك على حالي
يمكن بتحبك.. يمكن.. وأنا مالي
ليه تسألني وتحيرني
اسمع قلبي وشوف دقاته
تعرف حبي.. اسمع
اسمع قلبي


×××××××××××××××××××


الأيام - ماجدة الرومي

كلمات : نهى
ألحان : عبدو منذر


الأيام.. شو الأيام
أنت الحلو... الحلو فيها

أنت الحلم اللي هل.. اللي نوّر لياليها
أنت قلبي.. قلبي اللي دق
اللي غير معانيها

حياتي أنت.. أنت غاية أمانيها

حبيبي.. افتحلي ايديك.. وسعن مطرحي
حبيبي.. غمرني عينيك.. عينيك زهرة فرحي

خلي الماضي للأحزان
وهالدني امحيها بنيسان
أنا عمري قبلك ما كان.. ما كان
حبيبي أنا.. قلب عطشان
بحبك.. بحبك.. بحبك


×××××××××××××××××××


أنتوا وأنا - ماجدة الرومي

كلمات : ايليا أبو شديد
ألحان : ملحم بركات


أنتوا وأنا.. يا ريت فينا نطير
ع جوانح عصافير نطير
ع مطارح اللي ما في حدا
خلف المدى.. ما في حدا
خلف آخر صوت.. من آخر صدى
ما في حدا
والشمس تحملنا وتغزلنا حرير
أنتوا وأنا.. يا ريت نطير
يا ريت.. فينا ننسرق سرقة
ع جناح شي ورقة
عم بيطيرها الهوا.. ونحن سوى
سوى سوى.. وخصلة سما زرقا
يا ريت.. تخذنا الريح
تمرجحنا الريح.. تبيعد مطارحنا
تصير الدني نحن.. ونحن نصير
نصير نطير


×××××××××××××××××××


كل يغني على ليلاه - ماجدة الرومي

كلمات : ايلي شويري
ألحان : ايلي شويري


كلٌّ يغني على ليلاه.. وأنا على ليلي أغني
غنيلك آه يا بلدنا آه.. ع اللي سرقوا قمرك مني

خليك سهران بلدنا برود
والشارع غافي.. ما فيك تعود
وين بدك تهرب؟ ما فيك تطير
ولا فيك تغير اللي عم بصير
تعا تنغنيلن.. نغنيلن آه
من ظلم الآه.. من دمع الآه
من قهر الناس.. من خوف الناس

ليل المدينة.. دمع وبارود
قسم يا حبيبي.. قسم ع العود
سمعنا بلكي بتحلى هالسهرة
نيال البكره.. في إلو بكره
لولا الملامة وكتر الندامة
كنت بسميلك كل الأسامي

ويمرق ألف ليل.. ويوقع دمار وويل
تبعد مطارحنا.. وتسكت بلابلنا
تيبس معاولنا
بس الارض إلنا
الأرض نحنا
ولبنان مطرحنا.. مطرحنا


×××××××××××××××××××


بيروت ست الدنيا - ماجدة الرومي


كلمات : نزار قباني
ألحان : د. جمال سلامة


يا بيروت
يا ست الدنيا.. يا بيروت
نعترف أمام الله الواحد
أنّْا كنا منك نغار
وكان جمالك يؤذينا
نعترف الآن
بأنّْا لم ننصفك ولم نرحمك
بأنّْا لم نفهمك ولم نعذرك
وأهديناك مكان الوردة سكيناً
نعترف أمام الله العادل
بأنّْا جرحناك واتعبناك
بأنّْا أحرقناك وأبكيناك
وحملناك أيا بيروت معاصينا
يا بيروت
إن الدنيا بعد ليست تكفينا
الآن عرفنا أن جذورك ضاربة فينا
الآن عرفنا ماذا اقترفت أيدينا
قومي... قومي... قومي
قومي من تحت الردم
كزهرة لوز في نيسان
قومي من حزنك قومي
إن الثورة تولد من رحم الأحزان
قومي من تحت الردم
قومي اكراماً للغابات
قومي اكراماً للأنهار
قومي اكراماً للأنهار والوديان.. والإنسان
قومي اكراماً للإنسان
قومي يا بيروت.. قومي
إن الثورة تولد من رحم الأحزان
يا بيروت... يا بيروت


×××××××××××××××××××